შემოსავლების სამსახური გადამზიდავებისთვის ბიზნესის წარმოების საერთო პირობებს აყალიბებს. როგორც შემოსავლების სამსახურის საზოგადოებასთან ურთიერთობისა და მარკეტინგის დეპარტამენტის უფროსი ხატია მოისწრაფიშვილი განმარტავს, შემოსავლების სამსახური, საკუთარი სამოქმედო სტრატეგიის ფარგლებში, რაც საგადასახადო სამართლიანობის კონტექსტს გულისხმობს, გადამზიდავებისთვის, ბიზნესის წარმოების საერთო პირობებს აყალიბებს. ცვლილებები, რომელიც შემოსავლების სამსახურის დებულებასა და ინსტრუქციაში განხორციელდა,ყველა გადამზიდავს თანაბარ პირობებში ჩააყენებს, რაც გამორიცხავს მონოპოლიას, გადამხდელს კი თავისუფალი არჩევანის საშუალებას ანიჭებს.
„ცვლილებების თანახმად, ნებისმიერ „კარგო" გადამზიდავს, საშუალება აქვს აწარმოოს აღნიშნული საქმიანობა და თავად შეავსოს სპეციალური სატვირთო საბაჟო დეკლარაცია (ახლა უკვე შემოსავლების სამსახურის პროგრამაში), დადგენილი პირობების მიხედვით. ეს პირობებია: იყოს საქართველოს რეზიდენტი, ჰქონდეს საწყობი ექსპორტიორ ქვეყანაში, დააფიქსიროს საქონლის შეფუთვაზე (ყუთზე, კონტეინერზე) შტრიხ-კოდი, მოახდინოს სასაქონლო პარტიის ფორმირება და სატრანსპორტო საშუალებაში ჩატვირთვა, განახორციელოს საქონლის წინასწარი დეკლარირება და ელექტრონული სისტემის გამოყენებით შევსებული საბაჟო დეკლარაციის, საგადასახადო ორგანოს სერვერზე დარეგისტრირება"- განმარტავს ხატია მოისწრაფიშვილი.
