როგორც შეხვედრისას ნოდარ ხადურამა ბიზნესმენებთან საუბრისიას აღნიშნა ქვეყანაში ყველა მნიშვნელოვანი მსხვილი პროექტი გაგრძელდება. მათ შორის კვლავინდებურად გაგრძელდება აღმოსავლეთ-დასავლეთის დამაკავშრებელი მაგისტრალის მშენებლობა. ნოდარ ხადურმა ბიზნესმენებთან შეხვედრისას აღნიშნა ისიც რომ 2013 წლისთვის ქვეყანაში სოლიდური რაოდენობის ინვესტიციები შემოვა. ხადურის განმარტებით მთავრობა ინვესტიციების შემოდინებას ძირითადად ენერგეტიკის, სოფლის მეურნეობის და ტურიზმის სექტორებიდან ელოდება. თუმცა როგორც ხადურმა განმარტა ამიერიდან ტურიზმის სექტორი არ განვითარდება იმ მიმართულებით, როგორც ადრე ვითარდებოდა.

შეგახსენებთ, რომ ფინანსთა სამინისტრომ მოამზადა საგადასახადო კოდექსში ცვლილებების პროექტი, რომელიც პარლამენტმა 26 დეკემბერს 99 მომხრით პირველი მოსმენით უკვე მიიღო.
კანონპროექტის მიხედვით გათვალისწინებულია მნიშვნელოვანი ცვლილებები, მათ შორის:დეკლარაციის დაგვიანებით წარდგენისათვის დაწესებული სანქციის მინიმალური ოდენობა 200 ლარის ნაცვლად განისაზღვრება 50 ლარით; საკონტროლო-სალარო აპარატის გამოყენების წესების დარღვევისათვის დადგენილი ჯარიმის ოდენობა 500-დან შემცირდება 200 ლარამდე; სალარო აპარატების გამოყენების წესების დარღვევის პირველად გამოვლენისას შესაძლებელი იქნება სანქციის სახით გაფრთხილების გამოყენება;სასაქონლო ზედნადების გარეშე საქმიანობის პირველად გამოვლენისას პირი დაჯარიმდება ნაცვლად 1 000 ლარისა 500 ლარით; ზედნადების გარეშე განმეორებით საქმიანობისათვის 10 000 ლარის ნაცვლად სანქციის ოდენობა განისაზღვრება 5 000 ლარით; საურავის ოდენობა 0,07%-იდან მცირდება 0,06%-მდე; საქონლის წარდგენის/დეკლარირების ვადის ან სატრანსპორტო საშუალების გამოცხადების ვადის დარღვევისათვის მაქსიმალური ზღვარის 1 500 ლარის ნაცვლად წესდება ჯარიმა 1 000 ლარის ოდენობით, ხოლო ყოველ დაგვიანებულ დღეზე 100 ლარის ნაცვლად 50 ლარი; კეთილსინდისიერი გადამხდელის ჯარიმისგან განთავისუფლების უფლება საგადასახადო ორგანოს/დავის განმხილველ ორგანოსთან ერთად ექნება სასამართლოსაც; ბიუჯეტისათვის ზიანის მიყენების გამო კეთილსინდისიერი გადამხდელის ჯარიმისგან განთავისუფლების უფლების გამოყენება არ შეიზღუდება; დგინდება და დამატებით ზუსტდება ხანდაზმულობის ვადები საგადასახადო შემოწმებასა და საგადასახადო ვალდებულების უზრუნველყოფის ღონისძიებების გამოყენებაზე; საგადასახადო დავალიანების იძულიებით გადახდევინება დაიწყება საგადასახადო დავის დასრულების შემდეგ; საგადასახადო შეთანხმების გაფორმების შესახებ გადაწყვეტილებას, საქართველოს პრემიერ-მინისტრის ნაცვლად, მიიღებს საქართველოს მთავრობა; საგადასახადო დავალიანების გადახდევინების გადავადების ერთწლიანი ვადა გაიზდება 3 წლით; მიწაზე ქონების გადასახადის წლიური საბაზისო ოდენობა მთავრობის დადგენილების ნაცვლად განისაზღვრება კანონით; საგადასახადო დავალიანების გადახდევინების გადავადების უზრუნველსაყოფად შესაძლებელია იქნება გადასახადის გადამხდელის ქონების გირავნობა/იპოთეკით დატვირთვა; 2012 წლის ბოლოს ანაზღაურებულად ჩაითვლება და გადახდის წყაროსთან დაიბეგრება მხოლოდ 2006 და 2007 წლის საგადასახადო პერიოდებში გამოქვითული და აუნაზღაურებელი პროცენტები, ხოლო რაც შეეხება 2008-2010 წლებში გამოქვითულ პროცენტებს, მოხდება მათი გადანაწილდება და ანაზღაურებულად ჩაითვლება შესაბამისად 2013-2015 წლებში; თამბაქოს ნედლეულის იმპორტის გადასახადისაგან გათავისუფლებას უგრძელდება ვადა 2014 წლის პირველ იანვრამდე, ხოლო თამბაქოს ნაწარმის იმპორტს 2013 წლის 1 ივლისამდე;