საქართველოს პრემიერ-მინისტრი ბიძინა ივანიშვილი აზერბაიჯანის პრეზიდენტს ილჰამ ალიევს შეხვდა. პირისპირ შეხვედრის ამსახველა ფოტომასალა პრემიერს „ფეისბუქის" ოფიციალურ გვერდზე უკვე განთავსდა.
როგორც ცნობილია, ბიძინა ივანიშვილი ბაქოში სამუშაო ვიზიტის ფარგლებში იმყოფება. დღესვე დაგეგმილია პრემიერის შეხვედრა აზერბაიჯანელ კოლეგა, არტურ რასიზადესთან, ხოლო შემდეგ ბიძინა ივანიშვილი ქართული და აზერბაიჯანული მედიისთვის პრესკონფერენციას გამართავს.
საქართველოს დელეგაცია, სადაც მინისტრები - მაია ფანჯიკიძე, კახა კალაძე, გიორგი კვირიკაშვილი და კოტე სურგულაძეც შედიან, თბილისში ხვალ დაბრუნდება. პრემიერის აზერბაიჯანში ვიზიტის ერთ-ერთი მთავარი თემა ბუნებრივი აირის ტარიფებია.