საქართველოს საერთაშორისო სავაჭრო პალატამ (ICC) საქართველოს ეროვნული ბანკის ახალ შენობაში ორგანიზება გაუწია მრგვალ მაგიდას სათაურით: „მაკრო ეკონომიკური მიმოხილვა, საქართველოს ეროვნული ბანკი".
შეხვედრას ესწრებოდა ასევე აჭარის სავაჭრო სამრეწველო პალატის წარმომადგენელი, ICC-ის წევრები და დიპლომატიური კორპუსი.
როგორც აჭარიას სავაჭრო პალატაში განმარტავენ, შეხვედრაზე, ეროვნული ბანკის პრეზიდენტმა გიორგი ქადაგიძემ წარმოადგინა უახლესი პრეზენტაცია საქართველოს მაკროეკონომიკის სტატისტიკური მონაცემების შესახებ. ეროვნული ბანკის პრეზიდენტმა ისაუბრა ასევე, საქართველოს ეკონომიკის სხვადასხვა სექტორებზე, გამოწვევებზე, ეკონომიკის ზრდის პერსპექტივებზე, სავაჭრო დეფიციტძე, საგადასახადო საკითხებზე, ასევე მთლიანი შიდა პროდუქტის (მშპ) დინამიკაზე და მის წვლილზე დასაქმებაში და წარმოებაში. გიორგი ქადაგიძემ ხაზი გაუსვა ასევე იმას, რომ უნდა შენარჩუნდეს ბალანსი ურბანიზაციის ტენდენციებსა და მთავრობის პრიორიტეტს შორის, რომელიც ითვალისწინებს მნიშვნელოვანი ინვესტიციების განხორციელებას სოფლის მეურნეობის დარგში. შეხვედრა კითხვა-პასუხის რეჟიმში გაგრძელდა.
შეხვედრაზე წარმოდგენილი იქნა მთავრობის ხედვა და სამოქმედო გეგმა საქართველოს ეკონომიკის შემდგომი განვითარების, რამაც პოზიტიური შეფასება დაიმსახურა ICC-ის წევრებისა და დიპლომატიური კორპუსის წარმომადგენლების.
