ქართველმა სამართალდამცველებმა თბილისის საერთაშორისო აეროპორტში, ვარშავის ინტერპოლის მიერ ძებნილი მარსინ კრჟიშტოფ პოლაკი დააკავეს.
დაკავებული, დაპატიმრებისა და პოლონეთში შემდგომი ექსტრადიციის მიზნით, საერთაშორისო ძებნაში 2012 წლის 7 ნოემბრიდან იმყოფებოდა. მარსინ პოლაკს დიდი ოდენობით ფსიქოტროპული ნივთიერებების უკანონო შეძენა-შენახვა-გამოყენება ედება ბრალად. აღნიშნული დანაშაული, პოლონეთის კანონმდებლობის მიხედვით, 3 წლით თავისუფლების აღკვეთას ითვალისწინებს. ამჟამად, პოლონეთის მხარესთან წინასაექსტრადიციო პროცედურები მიმდინარეობს.
ბოლო ორი თვის განმავლობაში, ქართველმა სამართალდამცველებმა საერთაშორისო ძებნაში მყოფი 8 პირი დააკავეს.
მასალის გამოყენების პირობები
