ახლად გამოცხადებულ ტარიფი უკვე საბოლოოდ დადგენილია და უახლოესი 4 წლის განმავლობაში მატება არ მოხდება",- ამის შესახებ განცხადებას ენერგეტიკისა და ბუნებრივი რესურსების მინისტრი facebook-ის ოფიციალურ გვერდზე წერს.
როგორც ცნობილია სამინისტროსა და კომპანია "ინტერ-რაოსს" შორის დასრულებული მოლაპარაკებების შედეგად, გაფორმდა დროებითი მემორანდუმები კომპანიებთან "თელასი" და "ენერგოპრო". მემორანდუმები გარდამავალია და ითვალისწინებს 1-ლი იანვრიდან ყოველგვარი წინაპირობის გარეშე სამთვიანი სამომხმარებლო ტარიფის 3.5 თეთრით შემცირებას მომხმარებლებისთვის, რომლებიც 0-იდან 300 კვ-მდე ელექტროენერგიას მოიხმარენ. აღნიშნული კატეგორია აბონენების 90%-ს მოიცავს.
დროებითი მემორანდუმების გაფორმება მოხდა საქართველოს მთავრობის მოთხოვნით. რაც შეეხება ტარიფებს, ის უკვე საბოლოოდ დადგენილია და აღარ გაიზრდება შემდეგი რამდენიმე წლის განმავლობაში.
შესაბამისად, კომპანია "თელასის" აბონენტებისთვის -1 კილოვატსაათზე ელექტროენერგიის საფასური მომხმარებლებისათვის, რომლებიც 101კვ - ელექტროენერგიას მოიხმარენ განისაზღვრა - ნაცვლად 13,48 თეთრისა 9,94 თეთრი, ხოლო 101-301კვ-მდე მოხმარებული ელექტროენერგიისათვის ნაცვლად 16 თეთრისა მომხმარებელი გადაიხდის 12,46 თეთრს. 301კვ-ს ზემოთ მოხმარებული ელექტროენერგიის საფასური არ შემცირებულა და ის განისაზღვრება 17,70 თეთრით.
კომპანია "ენერგოპროს" აბონენტებისათვის - -1 კილოვატსაათზე ელექტროენერგიის საფასური მომხმარებლებისთვის, რომლებიც 101კვ - ელექტროენერგიას მოიხმარენ განისაზღვრა - ნაცვლად 12,98 თეთრისა, 9,44 თეთრი, ხოლო 101-301კვ-მდე მოხმარებული ელექტროენერგიისათვის ნაცვლად 16,52 თეთრისა მომხმარებელი გადაიხდის 12,98 თეთრს. 301კვ-ს ზემოთ მოხმარებული ელექტროენერგიის საფასური არ შემცირებულა და ის განისაზღვრება 17,50 თეთრით.
კომპანია "ენერგოპროს" აბონენტებისთვის - -1 კილოვატსაათზე ელექტროენერგიის საფასური მომხმარებლებისთვის, რომლებიც 101კვ - ელექტროენერგიას მოიხმარენ, განისაზღვრა - ნაცვლად 12,98 თეთრისა 9,44 თეთრი, ხოლო 101-301კვ-მდე მოხმარებული ელექტროენერგიისთვის ნაცვლად 16,52 თეთრისა, მომხმარებელი გადაიხდის 12,98 თეთრს. 301კვ-ს ზემოთ მოხმარებული ელექტროენერგიის საფასური არ შემცირებულა და ის განისაზღვრება 17,50 თეთრით.
რაც შეეხება კახეთის ენერგოდისტრიბუციას, უახლოეს მთავრობის სხდომაზე იგეგმება შესაბამისი დადგენილების მომზადება, რომლის შედეგადაც მოხდება ტარიფების სუბსიდირება და მათი გატოლება კომპანია "ენერგოპროს" ტარიფებთან.
"ტარიფის მარჟის გაანგარიშების პროცესში ძალიან მნიშვნელოვანი იყო მიგვეგნო ისეთი დაკლების ფორმულისთვის, რომელიც არ იქნებოდა კონტრპროდუქტიული საქართველოს ენერგეტიკის განვითარების გრძელვადიანი პერსპექტივისთვის; მისაღები იქნებოდა მოსახლეობისთვის და რეალურ შეღავათს მისცემდა მათ; კომპანიებისთვის არ იქნებოდა დამანგრეველი; არ გამოიწვევდა ხარჯვის ნახტომისებურ ზრდას და ასევე იქნებოდა თანაბარი ყველა რეგიონში", - განაცხადა კახა კალაძემ.
