"რეალობიდან უნდა გამოვიდეთ: რუსეთი აფხაზეთსა და სამხრეთ ოსეთზე უარს არ იტყვის, საქართველო კი მათ დამოუკიდებლობას არ აღიარებს", - აცხადებს დუმის დეპუტატი, პარტია "ედინაია როსიას" წევრი ვლადიმერ ჯაბაროვი კითხვაზე საქართველო-რუსეთის ურთიერთობების აღდგენის პერსპექტივის შესახებ.
"სინანულით უნდა აღვნიშნოთ, რომ დღეისთვის სიტუაცია ჩიხშია, რომელშიც იგი თავად სააკაშვილმა შეიყვანა. ურთიერთობა ერთ მომენტში შეიძლება დაინგრეს, მის აღდგენაზე კი ხანდახან ათწლეულები მიდის. რელობიდან უნდა გამოვიდეთ: ჩვენ უარს არ ვიტყვით აფხაზეთსა და სამხრეთ ოსეთზე, ისინი კი მათ დამოუკიდებლობას არ აღიარებენ. მართალია, შეიძლება ჩვენს ქართველ კოლეგებს, პარლამენტარებს შევხვდეთ, მაგრამ ჯერ ისიც გაურკვეველია, რაზე უნდა ვესაუბროთ მათ", _ აცხადებს დეპუტატი და აღნიშნავს, რომ საუბარი ეკონომიკურ საკითხებზე, შესაძლოა შედგეს, რაც შეეხება პოლიტიკურ საკითხებს "მათზე საუბარს არავითარი აზრი არ აქვს".
"პოლიტიკური თემების შეხებას აზრი არ აქვს. პოლიტიკა ჩვენთვის და საქართველოსთვის ჩიხია, თან სრული ჩიხი", _ აცხადებს დეპუტატი.