ალექსი პეტიაშვილმა კიდევ ერთხელ გამოხატა მადლიერება ევროპალამენტის მიერ მიღებული ბოლო რეზოლუციისათვის, სადაც საქართველოში 2012 წლის ოქტომბერში ჩატარებული არჩევნები დემოკრატიულადაა შეფასებული და საქართველო-ევროკავშირს შორის ასოცირებული შეთანხმების შესახებ მოლაპარაკებების ეფექტიანი გაგრძელების მნიშვნელობაა ხაზგასმული.
შეხვედრაზე ყურადღება გამახვილდა რუსეთ-საქართველოს შორის კონფლიქტის მშვიდობიანი გზით მოგვარებისათვის საქართველოს ხელისუფლების მიერ გადადგმულ ნაბიჯებსა და ჟენევის ფორმატის შენარჩუნების მნიშვნელობაზე. ამასთან, მხარეებმა ხაზი გაუსვეს საქართველოს ოკუპირებულ ტერიტორიებზე ევროკავშირის სადამკვირვებლო მისიის დაშვების აუცილებლობას. ქვეყანაში მიმდინარე პროცესებზე საუბრისას აღინიშნა, რომ ქვეყნის დემოკრატიული განვითარებისათვის მნიშვნელოვანია გაგრძელდეს ახალი ხელისუფლებისა და სხვა პოლიტიკური ძალების მშვიდობიანი თანაარსებობა.
შეხვედრის დასრულების შემდეგ ალექსი პეტრიაშვილმა და ევროპარლამენტის საგარეო ურთიერთობათა კომიტეტის თავმჯდომარე ელმარ ბროკმა ჟურნალისტებთან კომენატრი გააკეთეს. ელმარ ბროკმა ევროპარლამენტის სახელით კიდევ ერთხელ გამოხატა საქართველოს ევრო- სტრუქუტრებში გაწევრიანების საკითხებში ქვეყნის ახალ ხელისუფლებასთან თანამშრომლობის მზადყოფნა. ამასთან, დიდი იმედი გამოთქვა 2013 წლის ნოემბერში ვილნიუსის სამიტზე საქართველოსთვის ევროპული პერსპექტივის გამოცხადებასთან დაკავშირებით.
ალექსი პეტრიაშვილმა, თავის მხრივ, მნიშვნელოვანი უწოდა ევროპარლამენტარების ვიზიტს საქართველოში და განაცხადა, რომ ისინი ძალიან სერიოზულად და აქტიურად მოღვაწეობენ ევროკავშირში ჩვენი ქვეყნის მომავალი ინტეგრირებისთვის. სახელმწიფო მინისტრის თქმით, შეხვედრაზე მხარეებმა ამ საკითხთან დაკავშირებით მოასაზრებები გაცვალეს. როგორც პეტრიაშვილმა აღნიშნა, ევროპელი მეგობრებისგან მიიღო სრული მხარდაჭერა საქართველოს სუვერენიტეტისა და ტერიტორიული მთლიანობის საკითხში.