საქართველოს რეგიონული განვითარებისა და ინფრასტრუქტურის სამინისტროს გაუქმების საკითხმა ერთი წლით გადაიწია, - ამის შესახებ ინფრასტრუქტურის მინისტრმა დავით ნარმანიამ განაცხადა.
"ერთი წლით ვრჩებით ისევ, მხოლოდ მარაბდა-კარტახის რკინიგზის პროექტს გადავცემთ საპარტნიორო ფონდს და ჩვენს შიდა სტრუქტურაშიც გვექნება გარკვეული ოპტიმიზაცია", - განაცხადა დავით ნარმანიამ.
როგორც მინისტრი აცხადებს, 2013 წელს განსაკუთრებული ყურადღება დაეთმობა ადგილობრივი თვითმმართველობის რეფორმას, მარეგულირებელი კანონმდებლობის მოწესრიგებას, ინფრასტრუქტურული პროექტების ეფექტიანობის ამაღლებასა და კოორდინაციას.
