დღეს, 20 დეკემბერს აჭარის უმაღლესი საბჭო რესპუბლიკურ ბიუჯეტს დაამტკიცებს. ბიუჯეტის დამტკიცება აჭარის უმაღლესი საბჭოს ბოლო სესიაზე მოხდება. როგორც უმაღლესი საბჭოს თავმჯდომარემ ავთანდილ ბერიძემ განაცხადა, აღნიშნულ სხდომაზე განხილული და დამტკიცებული იქნება ძალიან მნიშვნელოვანი დოკუმენტები, კერძოდ, უმაღლესი საბჭოს 2013 წლის ბიუჯეტი, ასევე მოხდება წინა მოწვევის უმაღლესი საბჭოს დროს დაწყებული საკანონმდებლო ინიციატივების მიღება.
ბერიძის განცხადებით, 14 დეკემბერს უმაღლეს საბჭოში შევიდა 2012 წლის ბიუჯეტის გადამუშავებული ვარიანტი, რომლის განხილვა-დამტკიცება რეგლამენტით განსაზღვრული ვადების დაცვით მოხდება. ასევე, მთავრობასთან პარალელურ რეჟიმში მოხდება ბიუჯეტის განხილვა, რაგდან რიგგარეშე სესიისთის საკითხი იყოს ბოლომდე მომზადებული და შეჯერებული.
შეგახსენებთ, რომ 2013 წლის აჭარის მთავარი ფინანსური დოკუმენტი 227 მილიონი ლარით განისაზღვრა. 2013 წლის მთავარი პრიორიტეტი, აჭარისთვის სოფლის მეურნეობის განვითარება იქნება.
