საქართველოს პრეზიდენტიო მიხეილ სააკაშვილი იუსტიციისა და განათლების ექს-მინისტრის, ტელეკომპანია რუსთავი 2-ის გენერლური დირექტორის, ნიკა გვარამიას დაკავებას გამოეხმაურა, ამ ფაქტს წარმოუდგენელი უწოდა და გვარამიას დაუყონებლივ გათავისუფლება მოითხოვა.
"წარმოუდგენელი რაღაცაა, რომ რუსთავი 2-ის, ყველაზე დიდი დამოუკიდებელი ტელევიზიის დირექტორი ნიკა გვარამია დააკავეს. პირდაპირ რომ ვთქვათ, ძალიან საეჭვო ბრალდებებით", - განაცხადა პრეზიდენტმა.
პრეზიდენტის თქმით, მისთვის კარგადაა ცნობილი. რომ ტელევიზიის მფლობელებზე ხორციელედებოდა ზეწოლა.
"ძალიან კარგად ვიცი, რომ ამ ტელევიზიის მფლობელებზე ხორციელდებოდა ზეწოლა. ეს ტელევიზიითაც გაცხადდა, ეს არ არის ჩემი მოგონილი. მფლობელებს ვერაფერი უპოვეს და ვერც უპოვიდნენ, და ახლა დირექ ტორი დააკავეს, ასევე სრული ყალბი ბრალდებით", - განაცხადა სააკაშვილმა და დასძინა: " ძალიან ჩქარა დამთავრდება და ძალიან ცუდად, იმათთვის, ვინც ამას აკეთებს, ყველაფერი. მინდა ისინი გავაფრთხილო. საქართველოში ვერავინ დაამყარებს იმ რეჟიმს, რომელსაც ისინი ესწრაფიან, ახლო არიან ძალიან სახიფათო ზღვართან. ამას ვამბობ, როგორც პრეზიდენტი, როგორც ამ ქვეყნის მოქალაქე, რომელსაც აქვს ისტორიული მახსოვრობა. მე ვითხოვ დაუყოვნებლივ განთავისუფლებას თავისუფალი ტელევიზიის დირექტორის, ისევე, როგორც შეწყვეტას ამ უკანონობის და აღკვეთას და პასუხისგებას იმ პირების, ვინც ამას სჩადიან. მინდა გამოვთქვა არა მხოლოდ იმედი, არამედ ზუსტი რწმენა, რომ ყველაფერი დამთავრდება ბევრად უფრო ჩქარა, ვიდრე მათ ჰგონიათ", - აღნიშნა პრეზიდენტმა.
