საპარლამენტო უმრავლესობას ნდობის ჯგუფში წარდგენილი ჰყავს უმრავლესობის ლიდერის, დავით საგანელიძის კანდიდატურა. ნდობის ჯგუფის შემადგენლობაში ზვიად ძიძიგურის კანდიდატურაც წარადგინეს, რომელიც ჯგუფის მუშაობაში მაჟორიტარული სისტემით არჩეული დეპუტატებისთვის განსაზღვრული კვოტით ჩაერთვება.
საპარლამენტო უმცირესობამ პარლამენტის ნდობის ჯგუფში საკუთარი კვოტით გივი თარგამაძის კანდიდატურა წარადგინა.
ნდობის ჯგუფი თავდაცვისა და უშიშროების კომიტეტის ფარგლებში, ძალოვანი სტრუქტურების საიდუმლო საქმიანობის საბიუჯეტო კონტროლის მიზნით ყალიბდება. ნდობის ჯგუფის შემადგენლობა კანონმდებლობის გათვალსიწინებით 5 წევრით განისაზღვრება.
თავდაცვისა და უშიშროების კომიტეტის თავმჯდომარე ავტომატურად ხდება ნდობის ჯგუფის წევრი. შესაბამისად, ჯგუფში ირაკლი სესიაშვილი გაწევრიანდება. თითო წარმოამადგენელი ჰყავს უმრავლესობას, უმცირესობას, ასევე მაჟორიტარული წესით არჩეულ დეპუტატებს.
ნდობის ჯგუფში საკუთარი კანდიდატურა უნდა დაასახელონ უმცირესობისა და უმრავლესობის გარეთ მყოფმა ფრაქციამ, უპარტიო მაჟორიტარმა დეპუტატებმა.