მისივე განმარტებით, ბიუჯეტის პროექტის თანახმად, გაზრდილია სოციალური ხარჯები მოსახლეობის ყველაზე შეჭირვებული ფენების დასაცავად, ამასთან ფისკალური კონსოლიდაციის მიმართულებიდან გადახვევა არ ხდება.

„ 2013 წელს პროგნოზირებულია ფისკალური დეფიციტის კლება მთლიანი შიდა პროდუქტის (მშპ) 2.8 პროცენტამდე. ეს წაახალისებს ქვეყნის საგარეო პოზიციის კორექტირებას და შექმნის კონტრ-ციკლური ფისკალური პოლიტიკის შესაძლებლობას. აღნიშნული შესაბამისობაშია ბიუჯეტის დეფიციტის შემცირების სტრატეგიასთან მთლიანი შიდა პროდუქტის (მშპ) 1½ პროცენტამდე 2016 წლისთვის და საქართველოს მთავრობის ვალის შემცირების მტკიცე ტენდენციასთან მთლიან შიდა პროდუქტთან შეფარდებით"- განმარტავს მარკ გრიფიტსი.

მისივე ინფორმაციით, საქართველოს მიმდინარე ანგარიშის დეფიციტის მაღალი მაჩვენებელი წარმოქმნის სისუსტეებს და ამიტომ მისი შემცირება მთავარი მაკროეკონომიკური გამოწვევაა. ქვეყნის ხელისუფლება აპირებს მიმდინარე ანგარიშის დეფიციტის კლება გააგრძელოს 2013 წელს და შემდგომ წლებშიც. ეს შესაძლებელი იქნება ფისკალური კონსოლიდაციის გზით, უფრო მოქნილი გაცვლითი კურსითა და სტრუქტურული რეფორმების განხორციელებით ქვეყნის კონკურენტუნარიანობის გასაუმჯობესებლად. ხსენებულის შედეგად მიმდინარე ანგარიშის დეფიციტის კლებაა პროგნოზირებული 2013 წელს მთლიანი შიდა პროდუქტის (მშპ) 10.0 პროცენტამდე ამჟამად (2012 წელს) მოსალოდნელი 12.7 პროცენტიდან.