კომპანია eMoney.ge-სა და ფინანსთა სამინისტროს მომსახურების სააგენტოს შორის ურთიერთთანამშრომლობის შესახება ხელშეკრულება.გაფორმდა. ხელშეკრულებას ხელი „ლიბერთი ბანკის" გენერალური დირექტორის მოადგილემ გიორგი არველაძემ და მომსახურების სააგენტოს გენერალურმა დირექტორმა გიორგი ჯავახიშვილმა მოაწერეს.
ხელშეკრულების ფარგლებში მოხდება ფინანსთა სამინისტროს ვებ გვერდზე www.eAuction.ge eMoney connect-ით ავტორიზაცია.
eMoney connect არის უნივერსალური ავტორიზაციის საშუალება, მაგალითად როგორც Facebook, მაგრამ დამატებით მომხმარებლებს საშუალება აქვთ გამოიყენონ საკუთარი eMoney ელექტრონულ საფულეზე არსებული ბალანსი.
უკვე ცნობილია, რომ eMoney-ის ფუნქციონალის საშუალებით, მის 550,000-მდე მომხმარებელს შეეძლება დამატებითი რეგისტრაციის გარეშე გაიაროს ავტორიზაცია ვებ გვერდზე www.eAuction.ge და საკუთარი eMoney ანგარიშზე არსებული თანხით მიიღოს მონაწილეობა აუქციონში. ასევე, eAuction.ge-ს მომხმარებლებს შეეძლებათ დამატებითი რეგისტრაციის გარეშე გაიარონ ავტორიზაცია ვებ გვერდზე www.eMoney.ge და განახორციელონ სხვადასხვა ტიპის ფინანსური ოპერაციები.
ფინანსთა სამინისტროს ვებ გვერდზე www.eAuction.ge -ზე უკვე გადახდების განხორციელება შესაძლებელი ხდება eMoney-ის (ელექტრონული საფულე) მეშვეობით.
„ლიბერთი ბანკი", eAuction.ge-ს მომხმარებელს ასევე მალე შესთავაზებს ონლაინ განვადებას, რომელიც ამჟამად უნიკალური პროდუქტია ქართულ ონლაინ კომერციაში და უკვე 5-მდე ონლაინ მერჩანტი სარგებლობს ამ პროდუქტით.