ეს იყო პირველი შეხვედრა ჟენევში ახალი მთავრობისათვის, ამიტომ ის ძირითადად გაცნობითი ხასიათის იყო. თუმცა იყო გარკვეული მოლოდინები, თუ როგორ მოხდებოდა ეს ყველაფერი. ამის შესახებ სახელმწიფო მინისტრმა რეინტეგრაციის საკითხებში პაატა ზაქარეიშვილმა ჟენევის მოლაპარაკებების მორიგი რაუნდის შედეგების კომენტირებისას განაცხადა.
ზაქარეიშვილის თქმით, მოლაპარაკებების მეორე ჯგფუფი დატოვეს აფხაზმა და ოსმა მონაწილეებმა და „მერე მათ მიყვნენ მონაწილეები რუსეთიდან".
სახელმწიფო მინისტრის გაცხადებით, აფხაზმა და ოსმა მონაწილეებმა „ვერ მოისმინეს, ან არ მოისმინეს ის კონკრეტული წინადადებები რასაც სთავაზობდა ქარული მხარე".
ზაქარეიშვილმა განმარტა, რომ ქართულ მხარეს ქონდა კონკრეტული წინადადება ახალგორის გაზით მომარაგებასთან დაკავშირებით.
„ჩვენ გვინდოდა და ამას აუცილებლად გავაკეთებთ მკვდარი წერტილიდან დავძრათ გაზის მიწოდება ახალგორის რაიონისათვის. ჩვენ გვინდოდა გვემსჯელა მათთან, თუ ტექნიკურად როგორ მოვახერხეოთ ეს და შემდეგი ნაბიჯი კი იქნება სარწყავი წყლით მომარაგება მთელი შიდა ქართლისა", - განაცხადა ზაქარეიშვილმა.
მინისტრი მიიჩვენს, რომ უმჯობესი იქნებოდა მოლაპარაკებების აფხაზ და ოს მონაწილეებს „უფრო მეტი კონსტრუქციული ნაბიჯები გადაედგათ".
„ძნელია ახსნა, თუ რატომ არ უნდა ადამიანს ლაპარაკი შენთან მაშინ როდესაც თვეებია ლაპარაკობდნენ ამ საკითხებზე. მე ვგრძნობ, რომ მათ აშკარად არ აქვთ ჩამოყალიბებული მყარი სტრატეგია ახალ ხელისუფლებასთან. აქამდე ისინი კომფორტულად გრძნობდნენ თავს , რომ სააკაშვილი მათ არ ელაპაარკებოდა და ეხლა, ჩვენ პირიქით, გადავწყვიტეთ დალაპარაკება და ჩაიკეტნენ და დისტანციაზე გავიდნენ", - განაცხადა ზაქარეიშვილმა.