დღეს, 13 დეკემბერს, ლეგენდარული ქართველი ფეხბურთელის, ვიტალი დარასელიას გარდაცვალებიდან 30 წელი შესრულდა. დარასელია 1982 წლის 13 დეკემბერს ავტოკატასტროფაში დაიღუპა.
ვიტალი დარასელია 1957 წლის 9 ოქტომბერს ოჩამჩირეში დაიბადა. თამაშობდა საფეხბურთო კლუბ თბილისის დინამოსა და საბჭოთა კავშირის საფეხბურთო ნაკრების შემადგენლობაში. თავისი კარიერის ძირითადი ნაწილი დინამოში გაატარა. უეფა-ს თასების თასის 1980-81 წლების გათამაშების ფინალში, მატჩის დასრულებამდე სამი წუთით ადრე, კარლ ცაისის კარში გაიტანა გადამწყვეტი გოლი და გუნდს გამარჯვება მოუტანა.
