საკონტროლო შესყიდვისას დაჯარიმებულ მეწარმეს უფლება აქვს შემოსავლების სამსახურს განცხადებით მიმართოს და ჯარიმის სამართლიანობაზე იდაოს. ამასთან, თუ დადასტურდა, რომ ეს არის სამართალდარღვევის პირველი ფაქტი, 500 ლარის ოდენობის ჯარიმა, შემცირდება 200 ლარამდე. როგორც ცნობილია, ნაღდი ფულით ანგარიშსწორებისას საკონტროლო-სალარო აპარატის გარეშე მუშაობა ან საკონტროლო-სალარო აპარატის გამოუყენებლობა ან ჩეკში გადახდილზე ნაკლები თანხის ჩვენება იწვევს დაჯარიმებას 500 ლარით.
„დაჯარიმების შემთხვევაში თქვენ გაქვთ უფლება განცხადებით მიმართოთ შემოსავლების სამსახურს და იდაოთ ჯარიმის სამართლიანობაზე. ამასთან, თუ დადასტურდა, რომ ეს არის სამართალდარღვევის პირველი ფაქტი, 500 ლარის ოდენობის ჯარიმა, შემცირდება 200 ლარამდე"- განმარტავენ შემოსავლების სამსახურში.
