როგორც პაატა ზაქარეიშვილმა აღნიშნა, შეხვედრაზე ევროკავშირთან საქართველოს ურთიერთობაზე, მჭიდრო თანამშრომლობასა და ევროკავშირის მიერ წარმოებულ, არაღიარების ეფექტურ პოლიტიკაზე ისაუბრეს. სახელმწიფო მინისტრმა და ელჩმა ასევე იმსჯელეს რუსეთთან ურთიერთობაში ლატვიის გამოცდილებაზე, რომელიც პაატა ზაქარეიშვილის შეფასებით, საქართველოსთვისაც სასარგებლო იქნება.
"ასევე განვიხილეთ ლატვიის გზა ნატოსა და ევროკავშირში ინტეგრაციის გზაზე, რომელიც ამ სახელმწიფომ რუსეთისგან მომდინარე გამოწვევების ფონზე განვლო. რუსეთთან ურთიერთობა ლატვიისთვისაც რთული იყო. ამის მიუხედავად, ამ ქვეყანამ მაინც მოახერხა კონსტრუქციული ნაბიჯების გადადგმა და ისე გაწევრიანდა ამ სტრუქტურებში, რომ რუსეთთან თანამშრომლობისა და პარტნიორობის შესაძლებლობაც შეინარჩუნა. სწორედ ლატვია არის დამაჯერებელი პასუხი მათთვის, ვისაც ნატო-სა და ევროკავშირისკენ სწრაფვისა და რუსეთთან ურთიერთობის შეთავსება შეუძლებლად მიაჩნია", - განაცხადა პაატა ზაქარეიშვილმა.