წულუკიანმა ისაუბრა თუ რატომ მისცა "ხალხმა "ქართულ ოცნებას" ხმა. მისი თქმით, ქართველ ხალხს უსამართლობის საშინელი განცდა ჰქონდა, არ იყო სათანადო ჯანდაცვის სისტემა, ბავშვებისთვის განათლება კი ხელმიუწვდომელი იყო. მან ასევე ისაუბრა, რომ მიმდინარეობს გამოძიება პატიმართა წამების ფაქტებს და არა მხოლოდ მსჯავრდებულთა, ჯარისკაცებისადმი არასათანადოდ მოპყრობის ფაქტებზეც. მისი თქმით, ეს ერთ-ერთი მიზეზია, რის გამოც თავდაცვის ყოფილი მინისტრი დაპატიმრებულია.

მისივე თქმით, ხალხს უნდა სამართალი აღდგეს ახლა და არა გაზაფხულზე ან 2013 წლის შემოდგომაზე.

ჟურნალისტის კითხვაზე, რამდენად შეიძლება სისხლის სამართლის საქმე უშუალოდ მიხეილ სააკაშვილის წინააღმდეგაც აღიძრას, თეა წულუკიანის თქმით, თუ მტკიცებულება არ იქნება, ამის რისკი არ იარსებებს.

"სააკაშვილი 5 წლითაა არჩეული და ეს ვადა 2013 წლის იანვარში გადის, თუმცა მან მოხერხა კონსტიტუციის შეცვლა იმისთვის, რომ საპრეზიდენტო ვადა ოქტომბრამდე გაეხანგრძლივებინა. მას უნდა ძალაუფლების შენარჩუნება. მისი გუნდის წევრებიც საკმაოდ გაბედულები არიან და იმასაც კი გვთხოვენ, რომ კონსტრუქციული კოჰაბიტაციის სანაცვლოდ შევწყვიტოთ გარკვეული საქმეების გამოძიება გირგვლიანის საქმის ჩათვლით, მაგრამ ჩვენ ვერ შევწყვეტთ სააკაშვილის პოლიტიკური მოტივების გამო იმ საქმეების გამოძიებას, რომელიც არ იქნა გამოძიებული. ჩვენ ორი პრიორიტეტი გვაქვს: პირველი - 9 წლის განმავლობაში არსებული შერჩეული სამართლის უარყოფითი შედეგების გამოსწორება და მეორე და ყველაზე მთავარი - ქვეყანა წავიყვანოთ ნატო-სა და ევროკავშირისკენ და ნამდვილად დემოკრატიული საზოგადოება შევქმნათ საქართველოში. სააკაშვილის რეფორმები ლამაზად იყო წარმოდგენილი, მაგრამ მისი შინაარსი ანტიდასავლულ და ანტიდემოკრატიულ ხასიათს ატარებდა", - აცხადებს წულუკიანი "ფრანს 24"ისთვის მიცემულ ინტერვიუში.