"ჩვენ არც ერთი თანამშრომელი პოლიტიკური ნიშნით სამსახურიდან არ გაგვიშვია, - ამის შესახებ სასტუმრო "თბილისი მარიოტში" მიმდინარე კონფერენციაზე სიტყვით გამოსვლისას შს მინისტრმა, ირაკლი ღარიბაშვილმა განაცხადა.
მისი განმარტებით, საქართველოში ერთხელ და სამუდამოდ უნდა დასრულდეს პოლიტიკური ნიშნით ადამიანების გათავისუფლება.
მინისტრმა სამინისტროში განხორციელებულ სხვა რეფორმებზეც ისაუბრა და აღნიშნა, რომ პოლიციის დეპოლიტიზაციის კუთხით მრავალი ნაბიჯი გადაიდგა. როგორც ირაკლი ღარიბაშვილმა განაცხადა, განხორციელდა კუდ-ისა და სოდ-ის დეპარტამენტის რეორგანიზაცია და მათ ნაცვლად შეიქმნა უფრო თანამედროვე ტიპის დეპარტამენტები.
