დღეს ბათუმში ვაჟა ფშაველას ქუჩაზე ლიბერთი ბანკის აუდიტის კომიტეტის თავჯდომარემ ალექსი ხოროშვილმა და აჭარის ავტონომიური რესპუბლიკის მთავრობის თავმჯდომარემ არჩილ ხაბაძემ ბათუმის მე-9 სერვის ცენტრი გახსნეს, რომელიც სრულ საბანკო მომსახურებას გაუწევს როგორც ფიზიკურ, ასევე იურიდიულ პირებს. დღეიდან სერვის ცენტრში შესაძლებელია ყველა სახის სესხის აღება, საერთაშორისო გზავნილების სისტემით სარგებლობა, სხვადასხვა ტიპის დეპოზიტების გახსნა და კომუნალური გადასახადების დაფარვა.
ალექსი ხოროშვილის განცხადებით გასულ წელს ლიბერთი ბანკმა საქართველოს სხვადასხვა რეგიონში 13 ახალი სერვის ცენტრი გახსნა, მათ შორის: თბილისში, კახეთში, ქვემო ქართლში, შიდა ქართლსა და აჭარაში. 2012 წლის განმავლობაში ბანკმა 30-ზე მეტი ფილიალისა და სერვის ცენტრის მოდერნიზება მოახდინა. ლიბერთი ბანკს საქართველოში ყველაზე ვრცელი საბანკო ქსელი გააჩნია, რომლის მეშვეობით ქვეყნის მოსახლეობის 1.4 მლნ ფიზიკურ და 55 000 იურიდიულ პირს ემსახურება.
შეგახსენებთ, რომ გუშინ ლიბერთი ბანკმა ბათუმში გორგილაძის ქუჩაზე ახალი მე-2 სერვის ცენტრი გახსნა, რომელიც ასევე სრულ საბანკო მომსახურებას გაუწევს როგორც ფიზიკურ, ასევე იურიდიულ პირებს.
