,ჩემთვის უფრო მნიშვნელოვანია კომიტეტის სხდომაზე დასწრება ვიდრე ხადურის დაბარებულ უწყებაში სიარული", - განაცხადა ჟურნალისტებთან ყოფილმა პროკურორმა დავით საყვარელიძემ მისი დაკითხვაზე დაბარების კომენტირებისას და აღნიშნა, რომ რიყის თემა საქმე პოლიტიკურად ანგაჟირებულია.
..ჩემი მანდატი პირველ რიგში არის საპარლამენტო სტატუსი, საპარლამენტო ცხოვრება. Dდღეს არის კომიტეტის სხდომა და ჩემთვის უფრო მნიშვნელოვანია კომიტეტის სხდომაზე დასწრება ვიდრე ხადურის დაბარებულ უწყებაში გაუგებარი მიზეზებით სიარული. კიდევ ერთხელ ვიმეორებ, თუ ეს არ არის პოლიტიკური დევნა და პოლიტიკურად ანგაჟირებული პროცესი მზად ვარ ნებისმიერ კითხვას საჯაროდ, ღიად გავცე პასუხი, რაც საზოგადოებას აინტერესებს", - განაცხადა საყვარელიძემ.
შეგახსენებთ, რომ დავით საყვარელიძე ფინანსთა სამინისტროს საგამოძიებო დეპარტამენტში რიყის გასხვისებასთან დაკავშირებით დაკითხვაზე 12:00 საათზეა დაბარებული, თუმცა საყვარელიძე დაკითხვაზე მისვლას არ აპირებს. მთავარი პროკურორი არ გამორიცხავს, რომ იმ შემთხვევაში, თუ მოქმედი დეპუტატი საყვარელიძე დაკითხვაზე არ გამოცხადდება იგი იძულებით მიიყვანონ.
