პრეზიდენტის ადმინისტრაციამ 7 დეკემბერს მიხეილ სააკაშვილის მიერ შეწყალებულ პატიმარზე განმართება გააკეთა. როგორც ჟურნალისტებთან პრეზიდენტის პრესსპიკერმა მანანა მანჯგალაძემ განაცხადა 7 დეკემბერს 92 პატიმარი სასჯელაღსრულების მინისტრის თხოვნის საფუძველზე გათავისუფლდა.
,,შეწყალებულ პატიმრებს შორის აღმოჩნდა თენგიზ გ. რომელიც შედიოდა მძიმედ დაავადებულ პატიმართა ჩამონათვალში და სასჯელაღსრულების მინისტრის განცხადებით ჯანმრთელობის მდგომარეობის გაუარესების გამო დაუყოვნებლივ გათავისუფლებს საჭიროებდა. შსს გადავამოწმეთ ამ პირის ვინაობა და შეგნებულად არ ვასახელებთ სრულად მის სახელსა და გვარს უდანაშაულობის პრეზუმციიდან გამომდინარე. თუმცა დაზუსტებით შეგვიძლია გაგიცხადოთ, რომ შვიდ დეკემბერს მინისტრ სუბარის თხოვნის საფუძველზე შეწყალებული პირი რომელიც ცხრა დეკემბერს დანაშაულიო ჩაიდინა და რომლის საქმეზეც გამოძიება მიმდინარეობს საქართველოს სისხლის სამართლის კოდექსის 108 მუხლით რაც გულისხმობს განზრახ მკვლელობას, აღნიშნული პირი 2007 წლიდან ყაჩაღობისთვის იხდიდა სასჯელს", - განაცხადა მანჯგალაძემ.
შეგახსენებთ, რომ შსს ქ.თბილისის მთავარი სამმართველოს დიდუბე-ჩუღურეთის სამმართველოს თანამშრომლებმა მკვლელობის მცდელობის ფაქტზე 1950 წელს დაბადებული თენგიზ გ. დააკავეს.გამოძიების შედეგად დადგინდა, რომ 2012 წლის 9 დეკემბერს თამარ მეფის გამზირზე თენგიზ გ.-მ დანით მუცელში დაჭრა 1981 წელს დაბადებულ თამაზ კახიძეს და შემთხვევის ადგილიდან მიიმალა.დაზარალებულის აღწერილობის საფუძველზე, აღნიშნული პიროვნება პოლიციის თანამშრომლებმა ფოცხვერაშვილისა და ნინოშვილის ქუჩების კვეთაზე, სარდაფთან დააკავეს. დაკავების მომენტში მას ხელში ეჭირა დანა, რომელსაც სისხლის კვალი ჰქონდა.ბრალდებული ე.წ. „ქურდული ტრადიციების" მიმდევარია და წარსულში მრავალჯერაა ნასამართლევი. 2007 წლიდან იგი 11 წლიან სასჯელს იხდიდა ყაჩაღობისთვის.თენგიზ გ. 2012 წლის 7 დეკემბერს საქართველოს პრეზიდენტის შეწყალების საფულძველზე გათავისუფლეს საპატიმროდან.საქმეზე მიმდინარეობს გამოძიება საქართველოს სისხლის სამართლის კოდექსის 108-ე მუხლით (განზრახ მკვლელობა).