განათლებისა და მეცნიერების სამინისტროს მასწავლებლების სასერთიფიკაციო გამოცდებთან დაკავშირებით ცვლილებებს გეგმავს. როგორც მთავრობის სხდომის დასრულების შემდეგ გიორგი მარგველაშვილმა განაცხადა, სამინისტრო მასწავლებლების სასერთიფიკაციო გამოცდების დახვეწას გეგმავს. თუმცა განათლების მინისტრს არ დაუკონკრეტებია როდიდან და რა ცვლილებებს გემავს.
,,სამინისტროში მასწავლებლების სასერთიფიკაციო გამოცდების საკითხი მუშავდება. ვგეგმავთ, რომ მასწავლებელთათვის ეს პროცესი უფრო მოსახერხებელი გავხადოთ. რეალურად ეს კი არ უნდა იყოს გამოცდა, არამედ კვალიფიკაციის ამაღლება. ამასთან დაკავშირებით, სამინისტროში პოლიტიკა მუშავდება. სიახლე ყოველთვის არ ნიშნავს, რაღაცის რადიკალურად შეცვლას. ჩვენს შემთხვევაში სიახლე ძირითად ნიშნავს დახვეწას და მასწავლებლების საერთიფიკაცი გამოცდების დახვეწა ნამდვილად იგეგმება", - განაცხადა მარგველაშვილმა.