,, თბილის მერიამ რიყის ტერიტორია ჯერ გაყიდა და შემდეგ თითქმის სამჯერ ძვირად უკან იყიდა ისე, რომ პოტენციურ ინვესტორს არ ჰქონდა შესრულებული არ ჰქონდა არცერთი ვალდებულება. ცხადია, ჩნდება კითხვები რატომ მოხდა ასე. დაკითხვაზე დაიბარებენ არ მხოლოდ მაქაცარიას არამედ მიწის მართვის მიწის მართვისა და განკარგულების კომისიის ყველა წვერს მოწმის სტატუსით რათა გაირკვეს რა ხდებოდა. მგონია, მაში უჩვეულო არაფერია", - განაცხადა ხადურმა

ლაშა მაქაცარიამ ფინანსთა სამინისტროს საგამოძიებო დეპარტამენტი დატოვა
შეგახსენებთ, რომ საქართველოს ფინანსთა სამინისტროს საგამოძიებო სამსახურში გრძელდება გამოძიება რიყის მიმდებარე ტერიტორიის გასხვისებისა და გამოსყიდვის ფაქტების შესწავლის მიზნით. საგამოძიებო სამსახურში მოწმის სახით დაკითხვაზე იმყოფებოდა თბილისის მერიის მიერ დაფუძნებული შპს გარე განათების სამეთვალყურეო საბჭოს წევრი, იმერეთის ყოფილი გუბერნატორი ლაშა მაქაცარია. რომელიც 2006 წელს იყო თბილისის მერიის მიწის მართვისა და განკარგვის კომისიის წევრი. გამოძიების ინტერესებიდან გამომდინარე, აღნიშნულ საკითხთან დაკავშირებით, ასევე უნდა დაიკითხოს იმავე კომისიის ყოფილი წევრი, ამჟამად საქართველოს პარლამენტის დეპუტატი, მთავარი პროკურორის ყოფილი პირველი მოადგილე დავით საყვარელიძე. ამ ეტაპზე დადგენილია, რომ რიყის ტერიტორიის დიდი ნაწილი, ფართით 43350 მ.კვ. 2006 წლის 6 ივნისს თბილისის მერიის მიერ პირობა დადებული ხელშეკრულებით 7 000 000 აშშ დოლარად გასხვისდა ერთერთ შპს - ზე. აღნიშნულ საწარმოს საფასურის გადახდის გარდა, ნაკისრი ჰქონდა ვალდებულება საკუთარი ხარჯებით განეხორციელებინა ავტომაგისტრალის გადატანა, საფეხმავლო ხიდის აგება და რიყის ტერიტორიის სარეკრეაციო ზონის განაშენიანება. 2008 წლის 30 დეკემბერს, ისე რომ აღნიშნულ შპს - ს არ ჰქონდა დაწყებული საამშენებლო სამუშაოების შესრულება, ზემოთ ხსენებული მიწის ფართები თბილისის მერიის მიერ გამოსყიდულ იქნა 17 000 000 აშშ დოლარად. გამოძიების თანახმად, ამოღებულია შესაბამისი დოკუმენტები სხვადასხვა უწყებიდან. მოწმის სახით დაკითხულები არიან თბილისის მიწის მართვისა და განკარგვის კომისიის იმჟამინდელი წევრები. მერიის სხვადასხვა სამსახურების თანამშრომლები, რომლებსაც შეხება ქონდათ ხსენებულ საკითხთან.