პირველი თოვლი თბილისში 16 დეკემბერსაა მოსალოდნელი. როგორც ,,ჯი-ეიჩ-ენთან" საუბარში ჰიდრომეტეოროლოგიული პროგნოზირების სამმართველოს უფროსმა სვეტა ნიორაძემ განაცხადა, უახლოესი დღეების განმავლობაში არამდგრადი ამინდი შენარჩუნდება და ტემპერატურა დაიწევს.
,,მთელი საქართველოს მასშტაბით 14 დეკემბერს ველოდებით ნალექს წვიმის სახით. ტემპერატურა უფრო დაეცემა დასავლეთ საქართველოში ალბათ, დღის მაქსიმალური ტემპერატურა 6-11 გრადუსამდე შენარჩუნდება. 15 დეკემბრიდან აღმოსავლეთ საქართველოში მოსალოდნელია თოვლ-ჭყაპი, 16 დეკემბერს კი თოვლი", _ განაცხადა სვეტა ნიორაძემ, რომელმაც აღნიშნა, რომ 17 დეკემბრიდან მთელი საქართველოს მასშტაბით ნალექი შეწყდება, თუმცა გაძლიერდება ყინვა.
"17 დეკემბრიდან აღმოსავლეთ საქართველოში გაძლიერდება ყინვა და სავარაუდოდ -5 გრადუსს მიაღწევს", -განაცხადა სააგენტო ,,ჯი-ეიჩ-ენთან" საუბარში სვეტა ნიორაძემ.
