12 დეკემბერს, 18:00 საათზე საქართველოს პარლამენტის ეროვნული ბიბლიოთეკის საგამოფენო დარბაზში ებრაული დღესასწაულის ხანუქისადმი მიძღვნილი გამოფენა გაიმართება.
გამოფენაზე წარმოდგენილი იქნება ეროვნულ ბიბლიოთეკაში დაცული ძველი ებრაული წიგნები და ხელნაწერები: ესთერის გრაგნილი (ხელნაწერი), თორა და სხვა.
ღონისძიებაზე ასევე გამოიფინება საქართველოს ეროვნულ მუზეუმში დაცული უნიკალური მასალები: თორის გვირგვინი, თორა, ვერცხლის ამულეტი - ამოტვიფრული ებრაული წარწერით და სხვა.
დამთვალიერებელს საშუალება ექნება იხილოს უნიკალური ექსპონატები, რომელიც პირველად, ერთი დღით,გამოფინება ხანუქის დღის საპატივცემულოდ.
ღონისძიებასდაესწრებიან ებრაული ორგანიზაციებისა და დიპლომატიური კორპუსის წარმომადგენლები, ასევე სხვა საპატიო სტუმრები.
გამოფენისორგანიზატორები არიან საქართველოს პარლამენტის ეროვნული ბიბლიოთეკა, საქართველოს ეროვნული მუზეუმი, ებრაული წარმომადგენლობა საქართველოში „სოხნუთი" და ევროაზიული ებრაული კონგრესი.
