მასობრივი არეულობების მოწყობის საქმის გამოძიების ფარგლებში რუსეთის ფედერაციის საგამოძიებო კომიტეტმა რიგი მნიშვნელოვანი ფაქტი დაადგინა. განცხადება ამის შესახებ რუსეთის გენპროკურატურის საგამოძოებო კომიტეტის წარმომადგენელმა ვლადიმერ მარკინმა გააკეთა.
"წინასწარი გამოძიებით შეგროვებულია მასალები, რომლებიც ადასტურებენ, რომ ქართველი პოლიტიკოსი გივი თარგამაძე "მემარცხენე ფრონტის" ლიდერის სერგეი უდალცოვის, მისი თანაშემწის ლეონიდ რაზვოჟაევის და ასევე დეპუტატ კონსტანტინე ლებედევის თანაშემწის მართლსაწინააღმდეგო ქმედებებს აფინანსებდა, რომლებიც რუსეთის ფედერაციაში მასობრივი არეულობების ორგანიზებას ეხებოდა", _ განაცხადა მარკინმა.
მისივე თქმით, ასევე დადგენილია, რომ 2012 წლის გაზაფხულზე რუსეთის სხვა და სხვა რეგიონიდან ლიტვაში რუსეთის მოქალაქეების გაგზავნა წარმოებდა, იმისათვის რათა მათ მონაწილეობა მიეღოთ სემინარში, რომელიც "ფერადოვანი რევოლუციების" მაგალითზე ხელისუფლების ხელშიც ჩაგდებას ისახავდა მიზნად.
