რუსეთში, პრეზიდენტ პუტინის ნათქვამმა დიდი სკანდალი გამოიწვია. ქვეყნის პირველმა პირმა ლენინის მავზელეუმი კიევო-პეჩორის ლავრას შეადარა და განაცხადა, რომ რევოლუციის ბელადის ნეშტის მავზოლეუმში განთავსება, რუსულ ტრადიციებს არ ეწინააღმდეგება.
"ამბობენ, რომ მავზოლეუმის არსებობა ჩვენს ტრადიციებს ეწინააღმდეგება. რატომ? შეხედეთ, კიევო-პეჩორის ლავრას, სხვა მონასტრებს, განა იქ არ არის განთავსებული ნეშტები?" - განაცხადა პუტინმა ნდობით აღჭურვილ პირებთან შეხვედრისას.
საზოგადოებრივი კვლევის ფონდის მიერ წარმოებული გამოკითხვის მიხედვით, ლენინის დასაფლავების მომხრეთა რიცხვი 10 პროცენტით გაიზარდა. დასაფლავების მომხრე ამჟამად 56 პროცენტია, ხოლო მოწინააღმდეგე - მხოლოდ 28 პროცენტი. დისკუსია ლენინის გადასვენების შესახებ, 80-იან წლების მიწურულიდან დაიწყო, თუმცა, რუსულმა საზოგადოებამ თანხმობას არ დრომდე ვერ მიაღწია.
