აშშ-ის სოფლის მეურნეობის დეპარტამენტთან თანამშრომლობის ფარგლებში, საქართველოს სტატისტიკის ეროვნული სამსახურის ბათუმისა და ფოთის რეგიონული ოფისების სამმართველოს უფროსებისათვის და აჭარის, გურიის და სამეგრელო-ზემო სვანეთის რეგიონების საველე პერსონალისათვის (ინტერვიუერებისა და კოორდინატორებისათვის), ტარდება ტრეინინგი სასოფლო მეურნეობათა შერჩევითი გამოკვლევის კითხვარებისა და მონაცემთა შეყვანის პროგრამის შესწავლის მიზნით. ტრეინინგს ატარებენ საქსტატის სოფლის მეურნეობისა და გარემოს სტატისტიკის სამმართველოს თანამშრომლები, ასევე აშშ-ის სოფლის მეურნეობის დეპარტამენტის სტატისტიკური სამსახურის ექსპერტები.
როგორც მოგეხსენებათ, საქსტატის სოფლის მეურნეობის სტატისტიკის სამმართველოს სასოფლო მეურნეობათა შერჩევითი გამოკვლევა 2012 წლის მესამე კვარტალიდან გადავიდა საველე სამუშაოების განხორციელების ახალ პროცედურებზე. კერძოდ, ინტერვიუერების მიერ შევსებული კითხვარების მონაცემთა ბაზაში შეყვანა და მათი პირველადი გაწმენდა ხორციელდება რაიონებში კოორდინატორების მიერ.
