,,ჩვენ გვყავს ოპონენტები ყოფილი ხელისუფლების მხრიდან, რომლებიც კონსტრუქციულ ოპონირებას ვერ ახერხებენ", - განაცხადა ბიძინა ივანიშვილმა ,,თავისუფალი დემოკრატების" ყრილობაზე სიტყვით გამოსვლისას და აღნიშნა, რომ სიტუაცია თუ ასე განვითარდა მომდენო საპარლამენტო არჩევნებში ,,ქართულ ოცნებას" სერიოზული კონკურეტი არ ეყოლება.
,,დღეს ჩვენ გვყავს ოპონენტები ყოფილი ხელისუფლების მხრიდან, რომლებიც კონსტრუქციულ ოპონირებას ვერ ახერხებენ. ისინი აგრძელებენ ძველ იდეოლოგიაზე დაფუძნებულ მსვლელობას. მიუხედავად ჩემი მრავალმხრივი მოწოდებისა, ისინი უარს არ ამბობენ ძალადობაზე და უარს ამბობენ ითანამშრომლონ ქვეყნის აღმშენებლობასთან დაკავშირებით. მე, როგორც ვხედავ, სიტუაცია თუ ასე გაგრძელდა, შემდგომ არჩევნებში ჩვენ სერიოზული ოპონენტი ვერ გვეყოლება", _ განაცხადა ბიძინა ივანიშვილმა.
შეგახსენებთ, რომ ,,ექსპო ჯორჯიაში" ,,თავისუფალი დემოკრატების" მეორე ყრილობა მიმდინარეობს, სადაც პარტიის ახალ თავმჯდომარეს აირჩევენ. პარტიის თავმჯდომარის თანამდებობაზე ეროვნულ დემოკრატიული პარტიის მთავარი კომიტეტის ყოფილი წევრი და საპარტიარქოს ფონდის ყოფილი თავჯდომარე ირაკლი ქადაგიშვილია წარდგენილი.
