საქართველოს პარლამენტმა სახალხო დამცველად არასამთავრობო ორგანიზაცია "ადამიანის უფლებათა ცენტრის" დამფუძნებელი და დირექტორი უჩა ნანუაშვილი 82 ხმით 18-ის წინააღმდეგ აირჩია.
უჩა ნანუაშვილი თბილისის პოლიტოლოგიის ინსტიტუტისა და სახელმწიფო უნივერსიტეტის საერთაშორისო სამართლისა და საერთაშორისო ურთიერთობების კურსდამთავრებულია. იგი ასევე სწავლობდა სტრასბურგში, ადამიანის უფლებათა საერთაშორისო ინსტიტუტში; ბირმინჰემის უნივერსიტეტის სამართლის სკოლაში ადამიანის უფლებათა სამართლის განხრით; ბრიტანეთის საერთაშორისო და შედარებითი სამართლის ინსტიტუტსა და საქართველოს მეცნიერებათა აკადემიის პოლიტოლოგიის ინსტიტუტის ასპირანტურაში.
სახალხო დამცველის თანამდებობა 20 სექტემბრიდან იყო ვაკანტური , მას შემდეგ რაც ყოფილი სახალხო დამცველი გიორგი ტუღუში სასჯელაღსრულების პრობაციისა და იურიდიული დახმარების საკითხთა მინისტრად დანიშნა.
საქართველოს პარლამენტი სახალხო დამცველს ხუთი წლის ვადით ირჩევს.