საქართველოს პარლამენტმა 83 მომხრით და 10 წინააღმდეგით "ამნისტიის შესახებ" კანონპროექტი პირველი მოსმენით მიიღო.
"ამნისტიის შესახებ" კანონპროექტის თანახმად , სისხლის სამართლებრივი პასუხისმგებლობისა და სასჯელისაგან უნდა გათავისუფლდეს პირი, რომელმაც საქართველოს სისხლის სამართლის კოდექსით გათვალისწინებული ნაკლებად მძიმე კატეგორიის დანაშაული არასრულწლოვნების ასაკში ჩაიდინა, გარდა დანაშაულისა, რომელსაც მოჰყვა სიცოცხლის მოსპობა.
ასევე სისხლის სამართლის პასუხისმგებლობისა და სასჯელისაგან გათავისუფლდება განზრახ დანაშაულის პირველად ჩამდენი პირი, რომელმაც სრულწლოვნების ასაკში ჩაიდინა ნაკლებად მძიმე კატეგორიის დანაშაული, გარდა გარკვეული მუხლებისა.
სასჯელი გაუნახევრდება განზრახი დანაშაულის პირველად ჩამდენ პირს, რომელმაც მძიმე ან/და განსაკუთრებით მძიმე კატეგორიის დანაშაული ჩაიდინა არასრულწლოვნების ასაკში.
ერთი მესამედით შეუმცირდება სასჯელი მძიმე ან/და განსაკუთრებით მძიმე დანაშაულის ჩამდენ ქალს, გარდა იმ დანაშაულისა, რომელსაც მოჰყვა სიცოცხლის მოსპობა.
სისხლის სამართლის პასუხისმგებლობისა და სასჯელისაგან გათავისუფლდება გაუფრთხილებლობითი დანაშაულის ჩამდენი პირი, გარდა იმ დანაშაულისა, რომელსაც მოჰყვა სიცოცხლის მოსპობა.
ასევე უნდა ს სისხლის სამართლის პასუხისმგებლობისა და სასჯელისაგან გათავისუფლდება განზრახი დანაშაულის პირველად ჩამდენი პირი, რომელსაც ჩადენილი აქვს ნაკლებად მძიმე ან/და მძიმე დანაშაულის მომზადება ან/და მცდელობა.
პირს, რომელზეც ვრცელდება ამ კანონის მოქმედება, უნდა აღუდგეს "ნარკოტიკული დანაშაულის წინააღმდეგ ბრძოლის შესახებ" საქართველოს კანონის საფუძველზე ჩამორთმეული უფლებები.
ამ კანონის მოქმედება არ ვრცელდება სასჯელის სახით შეფარდებულ და აღსრულებულ ჯარიმაზე ან/და ქონების ჩამორთმევაზე. ასევე ამ კანონის მოქმედება ვრცელდება იმ პირზე, რომელსაც დანაშაული ჩადენილი აქვს 2012 წლის 2 ოქტომბრამდე.
ამნისტიის კანონპროექტის ერთ-ერთი მუხლი პოლტიპატიმრებისა და პოლიტდევნილების სტატუსის მატარებელ პირებს ეხებათ. მათზე ამ კანონით პოლიტიკურ ამნისტია ცხადდება.
"ამნისტიის შესახებ" კანონპროექტში გარკვეული ცვლილებები მისი მუხლობრივი განხილვების დროს კიდევ შევა.