დღეს, სამხრეთ აფრიკის რესპუბლიკაში სამხედრო თვითმფრინავი ჩამოვარდა. ბორტზე ქვეყნის ყოფილი პრეზიდენტის, ნელსონ მანდელას ექიმთა ჯგუფი იმყოფებოდა. დაუზუსტებელი ონაცემებით, დაღუპულია 11 ადამიანი. სულ რამდენი პირი იმყოფებოდა თვითმფრინავზე, ამის შესახებ, ჯერჯერობით, ცნობილი არ არის - იუწყება ადგილობრივი მედია.
თვითმფრინავი პრეტორიის სამხედრო ბაზიდან აფრინდა და ქვეყნის აღმოსავლეთით, მთიან მასივში ჩამოვარდა. სამხრეთ აფრიკის რესპუბლიკის თავდაცვის სამინისტროში აღნიშნეს, რომ ავიაკატასტროფის ზუსტი მიზეზის დადგენა ამ ეტაპზე შეუძლებელია. ამ დროისათვის, მაშველები დაზარალებულთა ძებნას ახორციელებენ.
ვრცელდება ინფორმაცია, რომ თვითმფრინავზე მყოფი ექიმთა ბრიგადა, აღმოსავლეთ პაკსკის პროვინციაში, 94 წლის ნელსონ მანდელას სამედიცინო გამოკვლევისათვის მიემგზავრებოდა. სხვა ინფორმაციით, თვითმფრინავი კი არ ჩამოვარდა, არამედ ავარიული დაჯდომა განახორციელა, რის შემდეგაც პილოტები და ექიმები დაიღუპნენ.
