ნატოში სერბეთის წარმომადგენელმა ბრანისლავ მილინკოვიჩმა თავი მოიკლა. იგი ბრიუსელის აეროპორტის ავტოსადგომზე რვამეტრიანი პლატფორმიდან გადმოხტა.
სერბეთის დელეგაციის წყაროს ცნობით, ტრაგედია მაშინ მოხდა, როდესაც სერბეთის დელეგაციის წარმომადგენლები აეროპორტში თავიანთ კოლეგებს ხვდებოდნენ.
სერბეთი ნატოს წევრი არ არის, თუმცა ორგანიზაციის შტაბ-ბინაში თავისი წარმომადგენლობა ჰყავს. ამ დღეებში ბრიუსელში ალიანსის წევრი-ქვეყნების საგარეო საქმეთა მინისტრების შეხვედრა მიმდინარეობს.
მილინკოვიჩი 52 წლის იყო. იგი მანამდე ავსტრიაში სერბეთის ელჩის თანამდებობას იკავებდა.