მცხეთის საპატრიარქო რეზიდენციაში მისმა უწმიდესობამ სრულიად საქართველოს კათოლიკოს-პატრიარქმა ილია მეორემ ისრაელის ელჩი იუვალ ფუქსი და მისი მეუღლე მიიღო.
ისრაელის ელჩმა მადლიერება გამოხატა საქართველოს ეკლესიის მეთაურის მიმართ სახალხო დიპლომატიის მიმართულებით ისრაელ-საქართველოს შორის ურთიერთობათა გაღრმავების საქმეში.
მისმა უწმიდესობამ აღნიშნა რომ ქართველებსა და ებრაელებს შორის ურთიერთობა მრავალათასწლიანი ძმური თანაცხოვრებით არის გამყარებული და ერებს შორის არსებული ეს მეგობრული ურთიერთობები სახელმწიფოთა შორის ურთიერთობებსაც უწყობს ხელს. "მინდა დაგარწმუნოთ თქვენო აღმატებულებავ, რომ ქართველი ხალხი და საქართველო მუდამ მხარს უჭერდა ისრაელის სახელმწიფოს და მომავალშიც ასე იქნება" - განუცხადა ელჩს მისმა უწმიდესობამ.
შეხვედრას კათოლიკოს-პატრიარქის საერთაშორისო ფონდის ხელმძღვანელი ლაშა ჟვანია ესწრებოდა.
