ბაჩანა ახალაიას მეუღლე ანი ნადარეიშვილი ქმნის არასამთავრობო ორგანიზაციას - "თავისუფლებისა და მხარდაჭერის ცენტრი". როგორც ჟურნალისტებთან ნადარეიშვილმა განაცხადა, ორგანიზაცია ღია იქნება ყველა იმ პირისთვის, ვინც თავს ახალი მთავრობის უკანონო ქმედებების მსხვერპლად მიიჩნევს.
ნადარეიშვილის განცხადებით, ქვეყანაში ადამიანების პოლიტიკური დევნა მიმდინარეობს.
"ახალი ხელისუფლების მოსვლის შემდეგ ქვეყანაში მძიმე მოვლენები დაიწყო. ეს არის პოლიტიკური ოპონენტების დევნა, მედიასა და თვითმმართველობებზე ზეწოლა, ადამიანების განთავისუფლება სამსახურებიდან პოლიტიკური ნიშნით და ხალხის დაშინება", - განაცხადა ნადარეიშვილმა.