დაბა გუდაურის ცენტრში "ვისოლის" ავტოგასამართ სადგურთან განთავსებული ახალი სუპერმარკეტი "სმარტი" მომხმარებელს გერმანული, ჰოლანდიური, ესპანური, იტალიური თუ ადგილობრივი წარმოების ყოველდღიური მოხმარების უმაღლესი ხარისხის პროდუქტების ფართო არჩევანს სთავაზობს. "სმარტი" გუდაურში შეინარჩუნებს მთელს ქსელში არსებულ დემოკრატიული ფასების პოლიტიკას . ახალ სუპერმარკეტში განთავსებული "სმარტ კაფე" ინტერნეტ (WIFI) ზონით და უმაღლესი ხარისხის მომსახურებით მომხმარებელს "ჩემი სუპერმარკეტის" აღქმას უმძაფრებს და სრულ კომფორტს უქმნის. სუპერმარკეტში საახალწლო საჩუქრების , სათამაშოებისა და ნაძვისხეების კუთხე, ბანკომატი და სწრაფი გადახდის აპარატიცაა განთავსებული. აქვე ერთგულ მომხმარებელს უსაფრთხო მგზავრობისათვის მოცურების საწინააღმდეგო ავტომობილის ჯაჭვების, საავტომობილო ზეთებისა და ანტიფრიზების შეძენაც შეუძლიათ.

"სმარტის სუპერმარკეტების ქსელის განვითარება აქტიურ ფაზაში შედის. მოხარული ვართ, რომ საქართველოს გამორჩეულ ზამთრის კურორტში, როგორც ადგილობრივ მოსახლეობას, ისე ნებისმიერი გემოვნებისა და მოთხოვნის მქონე დამსვენებლებს საშუალებას მივცემთ ევროპული სტანდარტების, უმაღლესი ხარისხის პროდუქტებითა და მომსახურებით ისარგებლონ. ყველაზე მეტად ის გვახარებს, რომ ყოველი ობიექტის გახსნა ახალი სამუშაო ადგილების შექმნას და ასობით ოჯახში შემოსავლის წყაროს გაჩენას ნიშნავს". - აცხადებს "ვისოლ ჯგუფის" პრეზიდენტი სოსო ფხაკაძე.

სუპერმარკეტში 50-მდე ადამიანია დასაქმებული. "სმარტის" თითოეული თანამშრომელი სპეციალური ტრენინგის შემდგომ საქმდება და დაზღვევითა და უფასო კვებით სარგებლობს.

"სმარტის" ქსელის განვითარება გრძელდება და უახლოეს თვეებში სუპერმარკეტები თბილისის სხვადასხვა უბნებში, ბათუმში, ქუთაისში და ფოთში გაიხსნება. მომავალი 3 წლის მანძილზე "ვისოლ ჯგუფი" "სმარტის" სუპერმარკეტების ქსელის მნიშვნელოვან გაფართოებას გეგმავს და 3000-მდე ადამიანს დაასაქმებს.