შრომის, ჯანმრთელობისა და სოციალური დაცვის სამინისტრომ საცხოვრებელი ადგილის გარეშე დარჩენილი სოციალურად დაუცველი ოჯახებისთვის ბინის ქირის გაცემა დაიწყო. აღნიშნულ საკითხზე უწყებათაშორისმა კომისიამ იმუშავა. 2012 წლის 15 ნოემბრამდე შემოსული განცხადებების საფუძველზე, მონაცემთა ბაზაში 2355 კითხვარი შევიდა. განისაზღვრა კონკრეტული კრიტერიუმები, რომლის მიხედვითაც 1300-მდე ოჯახი დაკმაყოფილებული იქნება ბინის ქირით.
კომისიის გადაწყვეტილების შესახებ ოჯახების ინფორმიმრებას სამინისტროს ცხელი ხაზი უზრუნველყოფს. თანხმობის შემთხვევაში, მოქალაქეები სოციალური უზრუნველყოფის სააგენტოს ფილიალებს საცხოვრებელი ადგილის მიხედვით აკითხავენ. დღეს,14:00 საათის მონაცემებით, ინფორმირებულია ქირის მიმღებთა ნახევარზე მეტი. თანხის მიღებაზე თანხმობა განაცხადა 162-მა ოჯახმა. აქედან 32-მა კუთვნილი თანხა უკვე მიიღო.
