სახელმწიფო კანცელარიაში აშშ-საქართველოს სტრატეგიული პარტნიორობის ქარტიიის ფარგლებში არსებული უსაფრთხოების სამუშაო ჯგუფის მორიგი შეხვედრა გაიმართა.
ამერიკული მხარიდან ჯგუფს თანათავმჯდომარეობდნენ სახელმწიფო მდივნის თანაშემწის მოადგილე ევროპისა და ევრაზიის საკითხებში ერიკ რუბინი და თავდაცვის მდივნის თანაშემწის მოადგილე ეველინ ფარაკსი. ქართულ მხარეს კი შეხვედრაზე საგარეო საქმეთა მინისტრის მოადგილე ნიკოლოზ ვაშაკიძე და თავდაცვის მინისტრის პირველი მოადგილე ლევან დოლიძე წარმოადგენდნენ.
შეხვედრას ასევე ესწრებოდნენ შს მინისტრის მოადგილე ლევან იზორია და უშიშროების საბჭოს თავმჯდომარის მოადგილე ბათუ ქუთელია.
