ქედაში ყურძნის უნიკალური ჯიშის, ჩხავერის რთველი დაიწყო. აჭარის სოფლის მეურნეობის სამინისტროს ინფორმაციით, მიმდინარე წელს, წინასწარი მონაცემებით, ქედის მუნიციპალიტეტში ჩხავერის ყურძნის 70 ტონამდე მოსავალს ელოდებიან, აქედან 45-იდან 50 ტონამდე სარეალიზაციოდ იქნება დამზადებული.
ჩხავერის კრეფა მიმდინარეობს ქედის მუნიციპალიტეტის დანდალოს, ცხმორისის, წონიარისის, ზვარეს, დაბა ქედის, ოქტომბრის, მერისისა და პირველი მაისის თემებში.
აჭარაში ვენახის საერთო ფართობი 180 ჰექტარს შეადგენს, მათ შორის ქედის მუნიციპალიტეტში - 82 ჰექტარს, აქედან ჩხავერით დაკავებულია 7 ჰა ფართობი.
