უზენაესი სასამართლო მოსამართლეთა უვადო დანიშვნის შესახებ შესაბამის კანონპროექტის მიღებაზე მუშაობს. როგორც ჟურნალისტებთან უზენაესი სასამართლოს თავმჯდომარემ კონსტანტინე კუბლაშვილმა განაცხადა, მოსამართლებიის დანიშვნა უვადოდ მომავალი წლის ნოემბრიდან იქნება შესაძლებელი.
,,საქართველოს კონსტიტუცუიაში არსებობს ნორმა, რომლის მიხედვით მოსამართლეები უნდა დაინიშნონ უვადოდ 65 წლის ასაკამდე და არა ათი წლის ვადით, როგორც დღეს ინიშნებიან. იმისათვის, რომ ჩვენი კანონმდებლობა შეესაბამებოდეს საქართველოს კონსტიტუციას, საჭიროა, საქართველოს ორგანულ კანონში ,,საერთო სასამართლოს წესის შესახებ" შევიდეს ცვლილება. ეს ცვლილება მიღებული უნდა იქნეს მომავალი წლის ნოემბრის თვემდე, ანუ საპრეზიდენტო არჩევნების შედეგების ოფიციალურ გამოცხადებამდე, რის შემდეგაც მოხდება მოსამართლეების უვადოდ დანიშვნა", - განაცხადა კონსტანტინე კუბლაშვილმა.
შეგახსენებთ, რომ კონსტანტინე კუბლაშვილი მედიის წარმომადგენლებს შეხვდა და სასამართლოს საქმიანობის ბოლო ათი თვის მონაცემებზე ისაუბრა და 2013 წლის პრიორიტეტები გააცნო.
