დღეს, კომპანია „თეგეტა მოტორსმა" „რომპეტროლის" ავტოგასამართ სადგურებზე პირველი თოვლი მოიყვანა. ხელოვნური თოვლის მეშვეობით კომპანიამ მძღოლებს მეტი უსაფრთხოებისკენ მოუწოდა, რაც ზამთრის მოახლოებასთან ერთად, ავტომობილის მომზადებასა და სათანადო წესების დაცვას გულისხმობს. კრეატიული აქცია „თეგეტა მოტორსმა" მძღოლების მეტი უსაფრთხოებისა და მათთვის საჭირო ინფორმაციის მიწოდების მიზნით წამოიწყო.
აქციის ფარგლებში მისულ მძღოლებს „თეგეტა მოტორსის" კვალიფიციური კონსულტანტები შეუმოწმებენ საბურავებში წნევას. მძღოლებს ასევე შეეძლებათ შეამოწმონ ავტომობილის საბურავების მდგომარეობა და მიიღონ რჩევები ზამთრის სეზონთან დაკავშირებით, რათა იმგზავრონ მეტად უსაფრთხოდ.
ავტოგასამრთ სადგურებზე მისულ მძღოლებს საჩუქრად გადაეცემათ „თეგეტა მოტორსის" 20%-იანი ფასდაკლების ბარათი ყველა ბრენდის ზამთრის საბურავებზე. ბარათის წარდგენის შემთხვევაში, „თეგეტა მოტორსის" ნებისმიერ ფილალში მისულ მძღოლებს ეძლევათ საშუალება მიიღონ კვალიფიციური კონსულტაცია საბურავების ექსპერტებისაგან და შეიძინონ საბურავები 20%-იანი ფასდაკლებით. გარდა ამისა, აქციისთვის სპეციალურად გამოწყობილი პრომო გოგონები მძღოლებს დაუსვამენ მარტივ შეკითხვებს, რაც მათ მიანიშნებთ და დააფიქრებთ უსაფრთხოებასა და საბურავის დროულად გამოცვლაზე, ხოლო სწორი პასუხის შემთხვევაში დაასაჩუქრებენ ბრენდირებული საჩუქრებით.
აქცია გაიმართება 29-30 ნოემბერს რომპეტროლის შემდეგ ავტოგასამართ სადგურებზე: სააკაძის მოედანი, აღმაშენებელის გზატკეცილი 9-ე კილომეტრი, ჯორჯ ბუშის გამზ. და შეშელიძის ქ.N50.
აღსანიშნავია, რომ სწორად შერჩეული საბურავი უზრუნველყოფს ავტომობილის უსაფრთხო გადაადგილებას ზამთარში. აქცია ემსახურება მომხმარებლისთვის სწორი ინფორმაციის მიწოდებას და უსაფრთხოებაზე ზრუნვას. „თეგეტა მოტორსი" განაგრძობს მომხმარებელზე ზრუნვას და სპეციალურ აქციებს უახლოეს მომავალშიც გეგმავს.
მასალის გამოყენების პირობები