აჭარის მთავრობის ხელმძღვანელი არჩილ ხაბაძე საქართველოში მოქმედი ბანკებისა და მიკროსაფინანსო ორგანიზაციების რეგიონულ მმართველებს შეხვდა. შეხვედრა გაცნობითი ხასიათის იყო, რომელზეც საფინანსო ორგანიზაციების მიმართ მოსახლეობის პრობლემების მოგვარებაზე იმსჯელეს. შეხვედრის დასრულებისას გადაწყდა სპეციალური სამუშაო ჯგუფის შექმნა, რომელიც აჭარაში ამ კუთხით არსებულ ვითარებას შეისწავლის. უახლოეს მომავალში ჩამოყალიბდება კომისია, რომელიც სხვადასხვა სიტუაციაში ბანკებისთვის და მსესხებლებისთვის რისკების შემცირების ხერხებზე, მათ თავიდან აცილებაზე და შეღავათიანი პირობების ჩამოყალიბებაზე იმუშავებს. მუშაობის პერიოდში კომისია მთავრობის თავმჯდომარეს კიდევ რამდენჯერმე შეხვდება.
