დავით დარახველიძეს 2 ახალი მოადგილე ჰყავს. მინისტრის მოადგილე ნინო ჭავჭავაძე სამინისტროს საერთაშორისო ურთიერთობების მიმართულებას უხელმძღვანელებს. მინისტრის მოადგილე იძულებით გადაადგილებულ პირთა მიმართულებით კი მერაბ მენაბდე იქნება.
ოკუპირებული ტერიტორიებიდან იძულებით გადაადგიულებილ პირთა, განსახლებისა და ლტოლვილთა სამინისტროში მინისტრის მოადგილეების დამტკიცება დასრულდა. დავით დარახველიძეს სულ 4 მოადგილე ჰყავს. მინისტრის პირველი მოადგილე გოგი ფაცაცია და მინისტრის მოადგილე მამუკა ცოტნიაშვილი რამდენიმე კვირის წინ დაინიშნენ.
რაც შეეხება ნინო ჭავჭავაძეს, გახლავთ ფსიქოლოგიის დოქტორი. 1979 წლიდან დღემდე ფსიქოლოგიის ინსტიტუტში, საქართველოს პარლამენტში, თეატრალურ ინსტიტუტსა თუ არასამთავრობოი სექტორში სხვადასხვა წამყვან პოზიციაზე მუშაობის საკმაოდ დიდი გამოცდილება გააჩნია. არის არაერთი პუბლიკაციის ავტორი და სხვადასხვა მიმართულკებით საერთაშორისო ფორუმების აქტიური მონაწილე. ასევე, დღემდე არის საქართველოს მართლმადიდებელ ეკლესიასთან არსებული ქრისტიანული კვლევის საერთაშორისო ცენტრის გამგეობის წევრი.
მერაბ მენაბდეს კი დევნილთა სამინისტროში მუშაობის გამოცდილებაც გააჩნია. წლების წინ გახლდათ მინისტრის მოადგილე. პროფესიით ინჟინერია და 1993 წლიდან დღემდე სხვადახსვა ორგანიზაციაში წამყვან პოზიციებზე მუშაობდა.
