შინაგან საქმეთა მინისტრის მოადგილე ლაშა ნაცვლიშვილი მთავარი პროკურორის პირველი მოადგილის პოსტზეა წარდგენილი.
შსს პრესსამსახურის ხელმძღვანელი, ნინო გიორგობიანი ადასტურებს, რომ ნაცვლიშვილი წარდგენილია მთავარი პროკურორის პირველი მოადგილის თანამდებობაზე.
"თუმცა როდიდან შეუდგება ის მუშაობას, ვერ გეტყვით", - განაცხადა გიორგობიანმა.
ლაშა ნაცვლიშვილი 1990-1999 წლებში საქართველოს პროკურატურის თანამშრომელი იყო. 2001 წლამდე კი სახელმწიფო დაცვის სპეციალურ სამსახურში მუშაობდა - განყოფილების უფროსად. 2001 წლიდან 2003 წლამდე შევარდნაძის მთავრობის უშიშროების მინისტრის მოადგილე იყო, 2003 წლიდან 2008 წლამდე კი - საქართველოს პარლამენტის დეპუტატი.
