ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი სამუშაო ვიზიტით ესტონეთის რესპუბლიკაში გაემგზავრა, სადაც დაგეგმილია მაღალი დონის ორმხრივი შეხვედრები ესტონეთის პრემიერ-მინისტრ ანდრუს ანსიპთან, საგარეო საქმეთა მინისტრ ურმას პაეტთან, თავდაცვის მინისტრ ურმას რეინსალუსთან, ესტონეთის პარლამენტის საგარეო ურთიერთობებისა და ევროკავშირის საქმეთა კომიტეტების თავმჯდომარეებთან მარკო მიჰკელსონსა და ტაავი როივასთან და საქართველო-ესტონეთის საპარლამენტო მეგობართა ჯგუფის ხელმძღვანელ ანდრეს ჰერკელთან.
ვიზიტის ფარგლებში გაიმართება ალექსი პეტრიაშვილისა და ესტონეთის საგარეო საქმეთა მინისტრის ერთობლივი პრესკონფერენცია. ასევე, დაგეგმილია საქართველოს სახელმწიფო მინისტრის მიერ აღმოსავლეთ პარტნიორობის ტრენინგების ცენტრის მონახულება.