2012 წლის 22 ნოემბერს, სახელმწიფო რწმუნებულმა - გუბერნატორმა დუშეთის, თიანეთის, მცხეთისა და ყაზბეგის მუნიციპალიტეტებში ცეზარ ჩოჩელმა თანამდებობიდან გადადგომის შესახებ განცხადება დაწერა. Kკანონის შესაბამისად, გუბერნატორის არყოფნის დროს, მის მოვალეობას სახელმწიფო რწმუნებულის-გუბერნატორის პირველი მოადგილე - გიორგი კიკნაველიძე შეასრულებს.
ცეზარ ჩოჩელი მცხეთა-მთიანეთის რეგიონის გუბერნატორის პოსტზე 2008 წლის თებერვალში დაინიშნა. რაც შეეხება გიორგი კიკნაველიძეს, იგი 1979 წლის 22 მაისს ქ. თბილისში დაიბადა. პროფესიით არის სამართალმცოდნე და საბანკო საქმიანობის სპეციალისტი.
2004-2007წ.წ. მუშაობდა საქართველოს საავტომობილო ტრანსპორტის ადმინისტრაციის თავმჯდომარის თანაშემწედ, ადმინისტრაციის აპარატის უფროსი რეგიონული მართვისა და კოორდინაციის დეპარტამენტის უფროსად, საქართველოს ტრანსპორტის მარეგულირებელი ეროვნული კომისიის წევრად. მუშაობდა საქართველოს გარემოს დაცვისა და ბუნებრივი რესურსების სამინსტროს სახელმწიფო საქვეუწყებო დაწესებულების - გარემოს დაცვის ინსპექციის აღმოსავლეთ ცენტრალური ბიუროს უფროსად.
2009 წ. გარემოს დაცვის ინსპექციის უფროსის მოადგილედ.
2011წ. საქართველოს ენერგეტიკისა და ბუნებრივი რესურსების სამინისტროს სახელმწიფო საქვეუწყებო დაწესებულების გარემოს დაცვის ინსპექციის უფროსის მოადგილედ. Aამავე წელს იყო სატყეო დეპარტამენტის უფროსი.
2012 წლის 22 ნოემბერს დაინიშნა დუშეთის, თიანეთის, მცხეთისა და ყაზბეგის მუნიციპალიტეტებში სახელმწიფო რწმუნებულის-გუბერნატორის პირველ მოადგილედ.