საქართველოს პრეზიდენტი მიხეილ სააკაშვილი ევროკომისარს ჟოზე მანიუელ ბაროზუს სომხეთში შეხვდება. სომხური მედიის ინფორმაციით, ევროკომისარი ჟოზე მანუელ ბაროზუ ერევანს 30 ნოემბერს ესტუმრება, სადაც ბაროზუ მონაწილეობას მიიღებს ევროპის სახალხო პარტიის აღმოსავლეთ პარტნიორობის სამიტში. სომხური მედია წერს, რომ აღნიშნულ სამიტში მონაწილეობისათვის სომხეთში ჩავა ასევე საქართველოს პრეზიდენტი მიხეილ სააკაშვილი.
აღსანიშნავია, რომ ევროპის სახალხო პარტიის წინა სამიტი საქართველოში, უფრო კონკრეტულად კი ბათუმში ივნისში ჩატარდა.