ბიძინა ივანიშვილს მოუწევს დაამტკიცოს, რომ რასაც ის აკეთებს არის ღია და ტრანსფარენტული, - განცხადება ამის შესახებ ევროკავშირის უმაღლესმა კომისარმა, ბარონესა ქეთრინ ეშტონმა რადიო "თავისუფლებისთვის" მიცემულ ინტერვიუში. მან საქართველოში ბოლოდროინდელი ცვლილებების შესახებ ისაუბრა და აღნიშნა, რომ ქვეყანაში ძალიან მნიშვნელოვანი რამ მოხდა ხელისუფლების მშვიდობიანად გადაცემის სახით.
"როგორც ვნახეთ, საქართველომ მიიღო დიდი პოლიტიკური გადაწყვეტილება - ხელისუფლების დემოკრატიული ტრანზიცია. ჩვენ დადებითად ვაფასებთ იმ ფაქტს, რომ პრემიერს სურს მიმართოს საკუთარი ენერგია ეკონომიკური გამოწვევების, ასევე საგარეო ურთიერთობების კუთხით, თუმცა მას მოუწევს დაამტკიცოს, რომ ყველაფერი რასაც აკეთებს არის ღია და ტრანსფარენტული, განსაკუთრებით სამართლის კუთხით", - აღნიშნა ეშტონმა.
ევროკავშირის უმაღლესი კომისარი ცენტრალურ აზიაში პოლიტიკური ტურის დაწყებამდე 26-30 ნოემბერს საქართველოს ეწვევა. ის შეხვედრას გამართავს პრეზიდენტთან და პრემიერთან.
მასალის გამოყენების პირობები